عام تعطیل کا اعلان ، نوٹیفکیشن بھی جاری کر دیا گیا ، کب اور کہاں ؟ جانیں

ڈپٹی کمشنر جامشورو نے حضرت لعل شہباز قلندر کے عرس کے موقع پر 17 فروری بروز پیر کو ضلع بھر میں عام تعطیل کا اعلان کر دیا۔

حضرت لعل شہباز قلندر کے عرس کی تقریبات بہت عقیدت اور جوش کے ساتھ شروع ہو رہی ہیں، اور اس حوالے سے ڈپٹی کمشنر جامشورو نے 17 فروری کو ضلع بھر میں تعطیل کا باضابطہ نوٹیفکیشن جاری کیا۔ نوٹیفکیشن میں بتایا گیا کہ سیہون میں تمام سرکاری دفاتر، تعلیمی ادارے اور پبلک سیکٹر کی تنظیمیں عرس کی تقریبات کی مناسبت سے بند رہیں گی تاکہ عقیدت مندوں کی سہولت اور امن و امان کی صورتحال کو بہتر بنایا جا سکے۔

حکام نے زائرین کی بڑی تعداد کو مدنظر رکھتے ہوئے حفاظتی اور لاجسٹک انتظامات میں تیزی لانے کے ساتھ ساتھ خصوصی اقدامات بھی کیے ہیں، جن میں میڈیکل کیمپس، ٹریفک مینجمنٹ، اور سیکیورٹی کے انتظامات شامل ہیں تاکہ عرس کی تقریبات پرامن اور منظم طریقے سے ہو سکیں۔