نئی دہلی (نیوز ڈیسک) بھارت میں ایک چونکا دینے والا واقعہ اس وقت وائرل ہوگیا جب شادی کے صرف پانچ دن بعد شوہر نے اپنی نئی نویلی دلہن کو مبینہ طور پر سابق بوائے فرینڈ کے ساتھ رنگے ہاتھوں پکڑ لیا۔ یہ منظر ایک مصروف سڑک پر پیش آیا اور دیکھتے ہی دیکھتے سوشل میڈیا پر موضوعِ بحث بن گیا۔
وائرل ویڈیو میں دیکھا جاسکتا ہے کہ شوہر بیوی پر غصے سے چیخ رہا ہے اور اسے دھوکہ دینے کا الزام لگا رہا ہے۔ شوہر کا کہنا تھا:
“تم بھی فریبی نکلیں… کہہ رہی تھیں ممی کے گھر جارہی ہوں، اور یہاں اس کے ساتھ گھوم رہی ہو۔ تمہارے لیے اپنے گھر والوں کو چھوڑ دیا اور تم نے یہ کیا؟”
اس واقعے نے سوشل میڈیا صارفین کو دو حصوں میں تقسیم کردیا۔ بہت سے لوگوں نے شوہر کی حمایت کرتے ہوئے بیوی اور اس کے مبینہ بوائے فرینڈ پر شدید تنقید کی، جبکہ کچھ نے بیوی کا دفاع کرتے ہوئے کہا کہ وہ شاید صرف ذاتی معاملات کو سلجھانے کے لیے اپنے سابق دوست سے ملی ہو۔
ایک صارف نے تبصرہ کیا:
“یہ اس کا پرانا دوست بھی ہوسکتا ہے، فیصلہ کرنے سے پہلے سچائی جاننا ضروری ہے۔”
دوسرے صارف نے رائے دی:
“ممکن ہے وہ اپنے سابقہ تعلق کو ایک بار ہمیشہ کے لیے ختم کرنے گئی ہو تاکہ نیا رشتہ پرسکون طریقے سے آگے بڑھا سکے۔”
واقعے کی اصل حقیقت کیا ہے، یہ تو تاحال واضح نہیں، مگر ویڈیو نے سوشل میڈیا پر زبردست بحث چھیڑ دی ہے۔
