اسلام آباد(اوصاف نیوز)سابق وزیراعظم اور مسلم لیگ ن کے قائد میاں نواز شریف آج قومی اسمبلی کے اجلاس میں شرکت کریں گے اور 27ویں آئینی ترمیم کے حق میں ووٹ کاسٹ کریں گے۔
قومی اسمبلی میں 27ویں آئینی ترمیم پر گزشتہ روز سے بحث جاری ہے، اور آج اس کی منظوری کا قوی امکان ہے۔ ذرائع کے مطابق، حکومت وفاقی آئینی عدالت کے قیام کے لیے جلد عملی اقدامات اٹھانے کی خواہاں ہے۔
آئینی ترمیم پر صدر مملکت کے دستخط کے بعد وفاقی آئینی عدالت کے قیام کے حوالے سے اقدامات شروع کیے جا سکتے ہیں۔
اس سلسلے میں سینیٹ کا اجلاس بھی دوبارہ شیڈول کیا گیا ہے۔ اجلاس اب 12 نومبر 2025 کو شام 5 بجے ہوگا، جو پہلے 13 نومبر کو شام 4 بجے طے تھا۔ اس حوالے سے باقاعدہ نوٹیفکیشن جاری کر دیا گیا ہے۔
